ARAW NG LINGGO, alam ni Riley na walang shooting or taping ang kaniyang mga kaibigan kaya naman hindi niya alam kung makakalabas ba siya ng silid niya. Paniguradong nandoon si Dash at magkakailangan na naman sila.
Buong magdamag siyang hibdi nakatulog. Gusto niya ito kausapin pero hindi niya alam kung paano magsisimula. Kahit nga yata ang lapitan ito ay hindi niya kayang gawin. Bagong ligo siya at kasalukuyang pinupunasan ng tuwalya ang basang buhok. Kumulo ang kaniyang tiyan kaya naman wala siyang nagawa kung hindi ang lumabas sa kusina.
Naabutan niya ang mga kaibigan na nagkakainan ng pizza sa sala. Nandoon ang lahat at tanging siya lang ang wala. Si Aidan ay nasa balkonahe at may kausap sa cellphone. Natigilan pa ang lahat nang makita siya. Alanganin siyang napangiti. Nang magkatingi
