MAGANDA ang mood ni Sylve mula nang gabing sumulpot sa labas ng apartment nila si Keith. Kahit hindi siya nakatulog masyado nang magpaalam itong aalis na, magaan pa rin ang pakiramdam niya pagsapit ng umaga. Kahit si Yona napansin na masaya siya at tanong ng tanong kung bakit ang ganda raw ng kanyang ngiti.
“Secret,” nakangiti lang na sagot niya maghapon sa pangungulit ng anak. Gusto kasi ni Sylve na masorpresa ito kapag dumalaw si Keith sa kanila bukas. Dahil sa excitement inaya pa niya si Yona na mag grocery para makapagluto siya ng masarap kinabukasan.
Kaso pagsapit ng gabi, biglang sinumpong ng migraine si Sylve na sinundan ng mainit na pakiramdam na para siyang lalagnatin. By the time na oras na para matulog, naramdaman na niya ang matinding sakit ng
