PINILIT matulog ni Keith pero nabigo. Marami kasing tumatakbo sa kanyang isip. Nang sumikat ang araw nag shower at nagbihis siya at nagdesisyong lumabas. Nagpunta siya sa building ng St. Clair Holdings International. Alas siyete pa lang nang umaga nang makarating siya roon kaya wala pang masyadong tao sa entrance lobby at kahit sa floor kung saan siya bumaba.
Pero pagpasok niya sa opisina ng St. Clair Private Investigation and Security Agency na kasalukuyang pinamamahalaan ni Giovanni St. Clair, buhay na buhay at alerto ang lahat ng agents at admin assistants na naroon. Marami sigurong hawak na kaso at kliyente ang agency. Halos isang minuto ang lumipas bago lumabas mula sa isang pinto ang receptionist. Nakita siya nito agad at nakangiting lumapit. “Good morning, sir Keith. It must be a
