Mabilis silang nag-deploy ng mga kakampi namin sa lugar na iyon at kagaya ng sinabi ko, 5,000 sa himpapawid at 5,000 naman sa lupa.
Kasalukuyan kaming nakatingin ngayon sa isang monitor na kung saan ay kompleto ito kagaya ng nasa map na ipinahanap ko kina Elijah at Keifer. Ang pinakaiba lamang ay may mga dot ito. Blue dots ay ang mga kakampi namin habang ang red dots naman ay ang mga kalaban namin.
Hindi nga ako nagkamali sa aking nalaman dahil nasa 10,000 din na kalaban ang nag-aabang sa aming mga kakampi.
"Paanong nangyari—"
"Bait," putol ko sa nagsalita habang ang aking mga mata ay nasa monitor. "Sinabi ko naman sa inyo na hindi basta-basta mahahanap ang anak namin unless ibinaba nila ang security nang sadya."
Pinagkrus ko ang aking mga braso habang nakatingin sa aming mga kakampi
