"Hindi mo nga kayang panindigan ang posisyon mo kaya mo ibinigay kay Kazimir, hindi ba? Tapos magiging ganiyan ka ngayon? Kung wala kang tiwala sa akin, sige. Magpunta ka mag-isa roon. Tingnan natin kung hindi ka nila papaliguan ng bala pag-apak na pag-apak mo pa lang sa harap ng gate nila," mabahang lintaya ko kaya nanahimik siya at hindi na muli pang nagsalita.
Lumipas ang ilang minuto, walang nagsalita sa kanila habang tinitingnan ko ang blueprint ng bahay. Sa sobrang lawak nito, talagang kailangan mong bantayan ang lahat lalo na ang mga sulok na ito dahil possibleng may mga nakapuwesto ring sniper.
Napailing ako at kinuha ang marker sa may hindi kalayuan sa akin. Hindi ko tinanggal ang aking mga mata sa blueprint dahil kailangan kong aralin ang lahat ng ito lalo pa at hindi ako sigur
