Hinihintay ni Storm na lumabas si Jeni mula sa building ng kanilang apartment na nirerentahan. Nasa labas na siya at nakasandal sa kaniyang kotse. Hindi niya alam kung papayag ba ang dalaga sa paanyaya niya ngunit umaasa siyang pupuntahan siya nito.
Inayos ni Storm ang kaniyang nakapusod na buhok at bumuga nang malalim. Kalahating oras na niyang nasa labas at hindi na niya mahintay pa si Jeni. Siguro nga ay hindi ganoon kadaling bumigay ang dalaga sa kaniyang karisma.
Tinapik niya ang side ng kaniyang kotse at nagpasyang umalis na lamang mag-isa.
"Storm!" sigaw ng babaeng palapit sa kaniyang kinaroroonan.
Napangiti si Storm nang marinig ang boses ni Jeni. Nagkunwari siyang nalungkot nang lingunin ito.
"Akala ko hindi ka na bababa. Kanina pa ako nandito at naiisp kong hindi nga siguro
