HINDI pa tumutunog ang alarm clock ko ay nagising na ako. Pakiramdam ko kasi ay buong-buo na ang tulog ko kaya bumangon na ako sa aking kama. Niligpit ko na ito at saka ako nag-jumping jacks ng sampung beses.
Kailangan kong umalis ngayon ng maaga, nagbabakasali akong makita ang lalaki na iyon sa unang fast food lalo naʼt nagkita na kami kahapon. Kung wala man doon ay pupunta na agad ako sa restaurant namin, baka kasi ay kumain muli sila roon lalo na narinig ko sa isang lalaki na may dadalhin sila roon para patikimin ang kasamahan nila.
Kaya kapag nakita ko muli siya, sa pagkakataon na iyon ay pipilitin ko siyang kausapin niya ako. Kailangan ko na talaga siyang makausap kahit anong mangyari. Kahit lumuhod pa ako sa kanya ay gagawin ko.
Kailangan ko na kasi siyang makausap lalo naʼt pang
