"MAY nagustuhan ka na ba?" tanong ni Eyah habang nakaupo kami sa isang sofa. Katatapos ko lang magsukat nang magsukat ng iba't ibang klase ng dress.
"Siguro ay 'yong huling isinukat ko na lang," sabi ko.
Napatango-tango siya. "Yeah, it looks simple yet elegant."
Hindi ko inimik ang sinabi niya at napatitig na lang sa mga iba't ibang dress na suot-suot ng mga mannequin na nakadisenyo sa paligid ng boutique.
Ngayong araw ay nagpasama ako sa kaibigan para sa pagpili ng damit na isusuot ko sa araw ng kasal namin ni Archer. Sasama rin sana sina Natalia at Heather ngunit saktong may gagawin sila ngayong araw. Kaya sa huli ay si Eyah na lang ang nakasama sa akin.
Unti-unti nang naihahanda ang magiging kasal namin ni Archer. Kahit ang mga papeles na kakailanganin ay halos kumpleto na. Kaya pa
