"WHICH one is okay?"
"This one."
Napatango ako sa itinuro ni Heather at kinuha ang kwintas na 'yon. Pinag-aralan ko ang detalye nito.
Manipis lang siya at simple habang ang pendant ay hugis puso na napapalibutan ng maliliit na bato. Kumikinang ito lalo na kapag tinatamaan ng liwanag.
Isinuot ko na sa sariling leeg ang kwintas habang pinagmamasdan ang sarili sa salamin.
"Maganda nga," komento ko nang matantong bagay sa leeg ko ang kwintas.
"I told you!"
Maliit akong ngumiti sa sinabi ng kaibigan at hinubad na ang kwintas para maibalik sa lalagyanan nito. Nang matapos ay binalingan ko ang dalawa pang kaibigan na may sariling mundo.
Ngayong araw ay napagpasyahan nilang tulungan ako sa pamimili ng mga alahas na gagamitin ko sa araw ng kasal ko, pero sina Natalia at Eyah ay mukhang may
