"PLEASE, take care of the shop. I'll go outside to eat."
"Yes, Ma'am Kirsten."
Inalis ko na ang atensiyon sa mga empleyado at tuluyan nang lumabas ng shop. Mag-isa akong naglakad-lakad sa paligid ng mall habang namimili ng makakainan.
Natigilan lang ako sa paglalakad nang may namataan akong pamilyar na mukha. Tila may sariling utak ang mga paa ko at nagmamadaling nagtungo patungo sa direksiyon ng taong 'yon.
"Tiana!" sigaw ko na. Ni wala na akong paki sa mga taong makakarinig sa akin. Ilang tawag pa ang ginawa ko sa pangalan niya bago niya 'yon tuluyang narinig. Tumigil siya sa paglalakad at bumaling sa direksiyon ko.
Bahagya akong hinihingal nang makarating sa harapan niya. Siya naman ay halos magdikit na ang kilay habang pinagmamasdan ako.
"Kirsten," banggit niya sa pangalan ko at
