"KUMUSTA si Papa?"
Marahan na ngumiti ang ina ko sa naging tanong ko.
"Don't worry about your father. He's fully recovered now."
Natuwa ako sa narinig.
"By the way..." Bumalik ang atensiyon ko kay Mama nang magsalita muli siya, at sa pagkakataong ito ay bakas na ang pagiging kuryoso sa mukha niya. "Kumusta na kayo rito ni Archer?"
"Pinapasakit na ba ng anak ko ang ulo mo?" tanong naman ni Mama Brianna kahit 'di ko pa nasasagot ang unang tanong.
Ngayon ay tila naiintindihan ko na kung bakit naisipan ni Mama at Mama Brianna ang dumalaw ngayong araw rito sa bahay. Iyon ay para magtanong sa akin tungkol sa bagay na 'yon.
"We're okay," sagot ko at ngumiti. "Nagkakasundo naman kami at nagkakaintindihan. Tinutulungan din ako ni Archer sa mga gawaing bahay."
Tila nakahinga nang maluwag si
