NAKAHIGA sa damuhan si Esrael. Nakaunan ang kaniyang ulo sa sariling braso habang tahimik itong nakatingin sa mga bituin sa langit.
Kanina pa siya naroon sa labas ng mansion. Tila wala pa atang balak na pumasok at mag pahinga sa kaniyang sariling silid. Hanggang ngayon kasi'y hindi pa rin mapanatag ang kaniyang puso dahil sa mga nasaksihan kanina kay Jen at sa kapatid niyang si Alihan. Laman pa rin ng kaniyang isipan ang tagpo at hitsura ng dalawa. Matamis na nag ngingitian sa isa't isa.
Nag iisip din siya ng paraan kung paano lalapitan ang dalaga at kung paano mag tatapat dito na gusto niya na rin ito. Hindi ganoon kadali para sa kaniya na gawin ang bagay na iyon lalo pa sa estado nang nakaraan nila ng dalaga. Nasaktan niya ito noon ng labis. Nagalit sa kaniya si Jen ng sobra dahil sa
