Melecio’s POV
Napansin ko na simula nang pumunta kanina rito ang ex-boyfriend niyang si Cleo ay naging tahimik na siya. Tuwing uutusan ko ito ay panay lang ang tango niya. Minsan, parang naririnig ko pa na umiiyak ito nang palihim.
“Ayos ka lang ba, Samara?” Pawis na pawis siya ngayon. Kakatapos lang nitong magdilig ng mga halaman.
“Oo naman,” maikli niyang sagot at saka ako nilagpasan. Tumuloy ito sa kusina. Sumunod naman ako sa kaniya.
“Gusto mong uminom tayo ng beer? Pampawala ng pagod?” alok ko sa kaniya. “Nabanggit mo kasi na umiinom ka rin ng alak. Matagal-tagal na akong hindi nakakatikim ng alak kaya nami-miss ko na rin,” dagdag ko pa.
“Gusto ko, kaya lang ay wala akong pang-ambag sa inuman na ‘yan,” sagot niya habang sinusundan ko pa rin siya. Narito na ulit kami sa garden. Na
