Samara’s POV
“Ang guwapo ni Sheldon ngayon,” bulong ko kay Melecio habang umaakyat na ang birthday celebrant sa stage kasama ang jowa nitong si Aisha na sobrang ganda rin.
“Maganda at pogi rin kasi ang mga magulang niya. Ang gaganda rin ng mga kapatid niyang babae,” sabi pa niya habang patuloy kaming pumapalakpak.
Sina Jana, Sir Ced, Dormin, Anleigh, Gero at Kelsery ang kasama namin sa isang table. Sina Tori at Dennis lang ang wala rito. Inaasahan ko na rin ‘yun kaya ‘di na ako nagtaka. Wala pang alam ang mga kaibigan ni Melecio sa hiwalayan ng dalawa. Nagpasya kami ni Melecio na itikom ang mga bibig namin. Gusto naming kusang magsabi sina Tori at Dennis sa kanila. Ayaw naming manguna at baka mapagsabihan pa kaming madaldal.
“Magandang gabi po sa inyong lahat,” bungad na sabi ni Sheld
