Melecio’s POV
“Oh, anak, Melecio, nagala ka ata bigla?” masayang salubong sa akin ni Papa nang dumating ako sa bahay nila. Agad kong kinuha ang kamay niya para magmano.
“Nariyan ho ba si Mama?” tanong ko sa kaniya.
“Oo, anak. Pero sandali. May bago ka bang sasakyan? Sa iyo ba ‘yang nasa harap ng bahay natin?” tanong pa niya kaya nakangiti akong tumango. “Ganoon ba? Teka nga at tignan ko. Ang galing mo na talaga ngayon, anak,” sabi pa niya at saka ito lumabas.
Nag-uugas ng mga pinggan si Mama nang makita ko ito sa kusina. “Nagpunta ka raw sa bahay ni Samara nang nakaraang araw?” bungad ko agad sa kaniya kaya napalingon naman ito agad sa akin. Nanlalaki tuloy ang mata niya.
“S-saan mo naman nalaman ‘yan?” tinigil niya muna ang ginagawa para harapin ako.
“May taong nakakita sa iyo,” sab
