Samara’s POV
Tumingin naman si Sherika kay Melecio. “Huwag sana rin kayong magagalit kay Costin. Wala itong kasalanan sa nangyari. Ang totoo niyan ay sinadya kong lasingin ito. Nang araw kasi na mag-photoshoot tayo. Nasabi niya sa akin na guwapong-guwapo itong si Costin kay Melecio. Crush na crush niya ito lalo nang makita niyang topless ka pa. Ang utos sa akin ni Jordyn ay gawan ko raw kayo ng pag-aawayan. Dapat daw hindi kayo magtagal. Dapat ma-send-an ko raw siya ng video na magpapagalit sa iyo, Samara. Kaya nung time na lasing na lasing na si Costin ay nilasing ko pa siya lalo. Kahit umayaw na siya noon ay pinainom ko pa rin siya ng alak. Hiningan niya kasi ako ng tubig noong papasok na dapat siya sa bahay niya. Hindi na raw siya makapalakad ng maayos kaya inutusan niya akong kumuha n
