Samara’s POV
Tatlong araw lang binurol ang tiyahin ko. Binigyan ko siya nang magandang burol at libing. Nakakatuwa dahil kahit naging masama siya sa mata ng mga kapitbahay namin ay marami pa rin ang nakiramay sa amin. Marami rin ang nag-abuloy kaya kahit pa paano ay hindi ako gumastos ng malaki sa pagpapalibing, sa mga pagkain at kung anu-ano pa na nagastos ko. Katulong ko sina Danica, Sanya at Melecio sa lahat-lahat.
Pumayag na rin si Melecio na rito na ako tumira sa bahay ng tiyahin ko dahil sa akin naman na pinangalan ang lupa at bahay nito. Marami ring alahas ang tiyahin ko na iniwan sa akin kaya parang nabalik na rin lahat ng perang nakuha niya sa akin noong nagtatrabaho pa ako. Ang ilan sa alahas nito ay ang gaganda pa. Ang ilan ay maaari kong masuot.
Para hindi ako mag-isa sa ba
