Lawrence POV
Fifteen years ago……
Nang malaman ko kay Mama na lilipat na kami ng bahay at makakasama na namin si Papa ay labis akong natuwa. Lagi kasing busy si Papa kaya hindi siya lagi umuuwi sa amin. Kahit nga special na okasyon ay hindi namin siya nakakasama. Lagi daw kasi itong abala sa trabaho sa isang lugar. Kung minsan naman ay umuuwi ito pero umaalis din agad. Pitong taon lang ako noon kaya sabik na sabik ako nang sabihin ni Papa sa amin na lilipat na kami sa pag-aari niyang rancho.
Pagkarating namin doon ay hindi ko akalain na sobrang laki pala ng bahay na lilipatan namin. Pero hindi ko inaasahan na bukod sa amin dalawa ni Francheska na kapatid ko ay may makikita pa akong batang lalaki mas matanda siya sa akin ng tatlong taon.
At hindi lang yun, galit na galit siya sa amin.
