Wilma
"N-Nicole, ayoko na. N-Nahihilo na ako."
"Isa na lang, please! Birthday ko naman, eh. Pagbigyan mo na ako! Sige, magtatampo ako!"
Muli niyang iniumang sa bibig ko ang isang baso ng alak na hawak niya.
Wala akong nagawa kundi ibukang muli ang bibig ko nang itaas niya ito dahil siguradong mababasa ako.
"Alright! You're such a bitchy girl! Napakamasunurin mo talaga. Rock 'n roll, everybody!"
"Whoaaa!!!"
Nagsigawan na naman silang muli na sumasabay sa napakalakas na ingay ng musika sa buong paligid, samahan pa nang nakahihilong disco light na kumukurap-kurap sa itaas.
Hindi na ako halos makagulapay pa sa sofang kinauupuan ko at kinasasandalan ko. Naririto kami ngayon sa mansion nila Nicole kasama ang mga kaklase niya at mga barkada niya.
Inimbita niya akong mag-celebrate ng
