[ALTHEYA]
TANGHALING TAPAT na nang magsimula akong maglakad sa masikip na eskinita nang lugar na ito. Napag-alaman kong nasa Cordova City ako dahil sa mga pangalang nakalagay sa iba’t-ibang tindahan na nadadaanan ko kanina.
Nagpatuloy lamang ako sa paglalakad kahit pa tirik ang araw, hindi alintana sa akin ang sobrang init na panahon dahil gusto ko lamang magpakalayo-layo at magtago.
Hindi ko alam kung saan ako pupunta, wala kasi akong kakilala sa lugar na ito at hindi pa ako pamilyar sa paligid dahil mahigit limang taon na ang nakalipas simula no'ng mapunta sa syudad. Hinahayaan ko na lamang ang aking mga paa sa kung saan ako dalhin ng mga 'to.
Napatigil ako sa paglalakad nang makarinig ako ng bulungan sa ‘di kalayuan. Imposibleng may mga taong maglakad sa iskinitang ito lalo na't ti
