[ALTHEYA]
“'THEYA, TARA na! Bumangon ka na riyan dahil mali-late na tayo!” sigaw ni Lennox sa akin. Halata sa kaniyang boses ang pagmamadali pero hindi ko 'yon pinagtuunan ng pansin. Nanatili pa rin akong nakahiga at nakapikit. Pagkaraan ng ilang segundo ay naramdaman ko na lamang ang pagkawala ng kumot na nakabalot sa aking katawan.
Salubong ang kilay tinignan ko siya dahil sa ginawa niyang pagtanggal sa kumot na ginagamit ko at saka kinusot-kusot ang aking mga mata.
“Ayaw ko pang pumasok, tinatamad pa ako, Nox,” wika ko sa kaniya at saka muling bumalik sa pagkakahiga.
Nang makahiga na ako ay ginawa kong pangharang sa aking mukha ang unan ko para hindi ako masinagan ng araw.
Narinig ko ang malakas niyang pagbuntong-hininga.
“Hindi puwedeng hindi ka papasok, 'Theya. Unang araw
