“Morris, pakinggan mo naman ako! Parang-awa mo na!” pagmamakaawa ni Lyrica, kahit hindi siya naririnig ni Morris. Nasa labas siya ng matayog na itim na gate. Pinakaladkad siya palabas ni Morris sa mga tauhan nito.
May apat na guwardya ang nakabantay, dalawa sa magkabilang gilid ng mataas na gate. Hindi pamilyar sa kanya ang mukha ng mga ito. Matangkad at malaki ang bulto ng pangangatawan ng mga ito. May mga tattoo rin ang mga ito sa braso at umabot pa sa leeg.
Nabanggit ni Morris na may nangialam sa security camera ng bahay nito. Ibig sabihin ay ora-orada nitong pinalitan ang mga tauhan sa loob at labas ng villa. Muli siyang napatingin sa apat na kalalakihan. May mga baril na nakasuksok sa tagiliran ng mga ito, at halos walang emosyong mababanaag sa mukha ng apat. Miyembro rin ba ang m
