Alam ni Lyrica na hindi magandang ideya ang ginagawa niya ngayon at nagmumukha siyang desperada, pero ayaw niyang papigil sa matinong bahagi ng utak niya. Ito ang gusto niyang gawin. Baliw na kung baliw, pero hindi niya matanggap ang mga sinabi sa kanya ng may-ari ng villa noong huli nilang pagkikita.
Ni-reject siya nito! Matigas na tinanggihan. Ang mga tinging ipinupukol pa nito sa kanya ay puno ng disgusto. Parang sinasabi ng mga titig nito na kahit siya na lang ang natitirang babae sa buong mundo ay nunca itong papatol sa kanya.
Hindi lang iyon, binato pa siya ng masasakit na salita. Ang sakit ng mga sinabi nito sa kanya. Buong-buhay niya ay ngayon palang siya napagsalitaan nang gan'un.
Hinding-hindi magkakainteres sa kanya? Pft! Tignan lang niya.
Ilang araw siyang nag-abang sa lab
