Kahit nakayuko si Lyrica ay ramdam niya ang lamig ng tinging ipinupukol sa kanya ni Morris. Iginiit niyang pumasok sa kuwarto nito kahit na pahatinggabi na. Kanina pa niya gustong makausap si Morris, subalit ayaw siyang papasukin ni Gener sa silid-opisina ng boss nito. Tumigil lang siya sa pangungulit nang ilabas nito ang posas. Napilitan tuloy siyang hindi kumibo at magkulong na lamang sa loob ng sarili niyang silid.
Hinintay niyang umalis ng bahay si Gener at bumalik sa security post nito bago siya lumabas ng kuwarto at tumungo sa silid-opisina ng taong gusto niyang makausap. Pagdating niya roon ay bakante na ang silid. Naisip niyang nasa kuwarto na marahil si Morris at nagpapahinga.
Kumatok siya sa kuwarto nito.
Walang tugon.
Ayaw siyang pagbuksan ng pinto.
Sa loob ng kung ilang m
