“Kailangan mo ba talaga ang tulong ko?” Seryoso ang mukha ni Morris. Tumatagos ang init ng mga titig nito sa katawan niya, at mas matalim iyon kaysa karaniwang tinging palagi nitong ipinupukol sa kanya.
Galit ba ito? Pero bakit? Dahil ba hindi siya umalis sa tapat ng gate ng villa?
Pero ito naman ang nag-utos sa security na dalhin ulit siya sa loob ng bahay nito. Ang totoo ay hindi siya makaalis sa labas ng Villa Serpentis dahil litung-lito at pagod na pagod na ang utak niya. Hindi niya alam kung saan pa siya manlilimos ng tulong, lalo na at matigas na siyang tinanggihan ni Morris.
Akala niya ay wala na talagang pag-asa. Sumagi na sa utak niya na bumalik ng Pulang Aliwan, subalit mabilis niyang binasura ang isiping iyon.
Nagulat nga siya nang tawagin siya ng security at iniskortehan p
