Chapter Twenty Eight
Goodbye
5 o’clock in the afternoon.
Nakadekwatro kong sinisimsim ang kape nang mapangiti ako sa babaeng pumasok sa coffee shop. Ilang kalalakihan ang nakitaan ko ng interes sa mga mata para kay Dave—ang katagpo ko ngayong linggo.
Hindi ko rin naman sila masisisi dahil kung lalaki ako natitiyak kong pagkakainteresan ko rin ang gandang meron siya. Ngumiti at yumuko muna siya sa akin bago maupo sa katapat kong silya.
“Still gorgeous, Dave…”
Tumawa siya. “Salamat boss pero mas maganda ka pa rin sa akin. Ayos na ayos ka yata ngayon, may date?”
Ngumiti ako at tumango. “Moment of truth. Good news ba ‘yang dala-dala mo para sa akin?”
Ngumisi siya. “Goods na goods, Boss. Pero bago ‘yon, musta si Archer? Hindi ko yata nakikita.”
“Miss mo?”
Tumikhim siya at umiling.
