ميسم العروس الصغيرة

3073 Words

أرهنت عمري نورا ناصر بارت ٣ .. ما استوعبت الموضوع بالبداية ، ليش هيج سوا عمي؟ وبعدين ميسم صغيرة ، وانه ما احب ارتبط ببنات بهيج عمر ، ما يستهويني هالشي ابد .. سميحة وجنت باني عليها امال لان عمرها ٢٢ سنة يعني جبيرة وعبالي عقلها هم جبير ، طلعت خرطي هه .. وانه ابد مافد يوم خليت عيني على ميسم عبالك اعتبرها بنتي او اختي الصغيرة ، لان فارق العمر بيناتنا كلش جبير يعني تقريبا بكد عمرها انه اكبر منها .. مستحيل افكر ارتبط بيها وحاليا شايل فكرة الزواج من راسي وانه على يقين بأن كل شي يجي بوكته ، وكل شي يروح بوكته . انتشلني من صدمتي حاتم وهو يكول _ ولك اخوك سعيد العار ماحضر الكعدة يكول اريد اودي مرتي للطبيب ومن رجعت شفتها كبالي تنضف الهول الجذاب ولا يجوز من سوالفه . _ صدك تحجي ؟؟ لا ياعار شوف وين جان يسخت بس هينه انه اعلمه بس خل يجي اله اغرك وجهه بتفلة اخلي سنة يمسح بيها . _ يا اخي الي مضوجني انته ماراح تكدر تروح بعرسي لان زينة نفس منطقة بيت راضي ومن ضمن الشروط انت ممنوع عليك تطب لديرتهم بعد . كمت على حيلي ؛- صدك تحجي وهذول شنو بكيفهم يمنعوني ؟ وصدك عمي شكال ! قبل بالقرار هذا؟ _ بعد انت احجي ويا انه رايح هالشهر عرسي واريد اكمل غرفتي عندي واجد شغلات نقص اريد اكملها . _ تعذرني حاتم حبيبي ما اكدر اعاونك تعرف العين بصيرة والايد مصابة صوبها رويضي الكلب ابن ستة وستين كلب . _ لا تهتم الض*بة الي تأذي كلبك تكبر عقلك . _ زين ماكو ض*بة تصغر خشمي . _ لا اكو ض*بة ت**ر راسك ، ولك هدني عاد خل اروح. _ روح حاتم روح انه كاعد اتاني سعيد العار . كال يلله اودعناك .. وطلع وانه كعدت اتاني عمي واتاني سعيد ، دخلت عليه امي بابتسامتها الحنون .. كالت ؛- ها يمه ماتريد شي اجيبلك جاي ، اكل ، ماي بس كول . جاوبتها ؛- لايمه سلامتج بس اذا اجه ابنج سعيد العار خلي يجي اريده . عكدت حواحبها وخلت ايدها على ص*رها وتباوعلي باستغراب ؛- ليش شبيك ويااخوك بعد . جاوبتها باطمئنان ؛- عندي شغلة ويا لاتديرين بال . _ وليدي على كيفك كافي عصبية مو راح تشيب هرفي الوكت _يمه انعل ابوها من عيشة _ عياش يمه ارتاح ولاتتعب نفسك انت توك طالع من مصيبة شكبرهه ييمه لاتخوفني عليك لاتفجعني بيك انت ايدي وانت رجلي وسعيد مايتكل عليه . _ لاتخافين يمه محلولة ان شاءالله .. _ ان شاءالله يحميك الي ربي ويحفظك ويعوضك بتاج راسهه هالمصيوبة هاي الي جابتنلنه هلبلوة . تن*دت من جابت هالسيرة طلعت وخلتني ، ظليت احرك بالجكاير كلش محتاج احجي ويا عمي . لشويه دخل سعيد يباوعلي مبتسم ، كاشخ والعطر منه ينشم عبر ٤ و٥ امتار . ابتسمت اله بمكر وكتله تعال سعيد تعال .. اجه يمه بسرعة طفرت وصرت يمه لزمته بايدي السليمة من ياخة قميصه وقربته مني كتله ولك وين جنت تسخت ؟ وليش ماحضرت الكعدة ؟ كال بصوت مرتبك ؛- هدني يا عياش وخليني احجيلك _ مو اله اهدك ، احجي اسمعك انه يله احجي ولك عااار. كال ؛- هدني وخلي نفسك مكاني راح تعذرني . كتله بصوت عالي واعصاب؛- لاتكلي خلي نفسك مكاني انه مخلي نفسي بمكاني نفسي ومتورط . _ والله رحت وديت عفاف للطبيب لان تعرف حامل ومحتاجة مراجعة . _ جذاب عفاف صارلها ساعة مشغلة المكناسة الكهربائية والغسالة وصرعتني سوتلي صداع . _ لا يبت الكلب ، هسه اروح انعل سلفه سلفاهه ليش تضوجك ماتدري مريض مصوب . حجه كلامه وهو يتملص من قبضتي ويشرد مني .. وصل للباب فتحها وطلع ومد راسه مبحلك عيونه ويضحك . كال ؛- عفية عياش لا تشيل بكلبك عليه لان ماحضرت الكعدة . كتله ؛- لك انه ما اشيل عليك ، اشيل النعال واكطعه على راسك بس خلي اصير زين . واخذت النفاضة وشمرتها باتجاهه بس هو سد الباب بسرعة ومااجت بي اجت بالباب المسدود وت**رت . كمت من مكاني اريد الم الكزاز دنكت وجعتني عمليتي اجت امي وعلى حس الت**ير دخلت . وصاحت مستغربة ؛- شنووو هاي يمه شصاير خو ماطكيت اخوك بيها . كتلها ؛- لاتخافين ماكو اصابات ديري بالج لا تنجرح رجلج . تن*دت وكالت الحمدلله .. ودنكت تلم الكزاز وتنضفه .. وانه طلعت من الغرفة شفت عفاف بالهول مشغلة المكنسة الكهربائية وتكنس .. وكفت يمها كتلها ؛- اي انتِ ظلي هيج ٢٤ساعة مشغلة هايه هم صارعتنه وهم رجلج فالت منج وطالع وياصاحباته ومايحضر الفصل مالتي . طفتها وطلت بوجهي وكالت ؛- ها خويه شكلت ماسمعتك ؟ تريد شي محتاج شي ؟ همزين حسيتي وطفيتيها .همست وعليت نبرة صوتي كتلها يمته تولدين ونشوف ابن اخوي . ضحكت وكالت ؛- ان شاءالله هالايام جاي اتحرك حتى اجيب . كتلها ؛- الله يسهلج . _ رحم الله والد*ك .. طلعت بالحديقة ادخن و اتاني عمي بلكت يجي عندي هواي حجي ويا . تعبت ودخلت للغرفة ، تمددت وغفيت .. ماحسيت غير بالليل وعلى صوت امي تكعدني .. _ يمه عياش بيك حيل تكوم عمامك يردونك . كمت على حيلي كوة وانه اجاوبها ؛- اي يمه دقايق واروح عليهم . _ تريد اكومك يمه ؟ _ لا يمه تسلمين انه اكوم .. ظلت واكفة وتتحسب على بيت راضي . _ حسبي الله ونعم الوكيل عليهم الله لايوفقهم ان شاءالله ..يوم الي سوو بيك هالسواية عساهه بعافيتهم كون _ يمه تكضى وتصير سوالف اطيب وانسى لاتضوجين ولاتقهرين روحج ..ابنج ذيب تره بستهه على راسها وطلعت للحمام غسلت وجهي وتوجهت للديوانية دخلت وسلمت عليهم _ السلام عليكم . شفت عمي الشيخ عزام وعمي جبر وابنه مخلد وحاتم كلهم متجمعين .. ردوا عليه السلام واشرلي عمي الشيخ بان اكعد .. _ اكعد بويه عدنه حجي وياك .. _ صار عمي ، كعدت وهو ظل يحجي .. كال ؛- عياش الفصل عشرين مليون عشرة عليك وعشرة ع العشيرة .. عكدت حواجبي ودنكت راسي ، صفكت ايديه وخليتهن بين ركبي ، هزيت راسي واني محتقن بالغضب ..نار مشتعلة بيه فوك حكه دكه كتله ؛- تعذرني عمي انه فلس احمر ما ادفع هم الي اعتدوا عليه وباكوا فلوسي اطلبهم ١٥ مليون واذا مارجعوهن اطلعهن من عيونهم دينار ينطح دينار . عمي جبر كال ؛- لك انت صدك مخبل ، هاد على بيتهم بالسلاح ومصوب ٣ منهم وتكول ما ادفع انت شنو من ملة؟ولك عياش انته عايل بعد لاتحجي وتكول غير هالحجي _ همَ الي بدوا ياعمي هم ، باكوني واعترضوا طريقي واعتدوا عليه . _ لا انت كبلها كاتل اختهم وساب عرضهم هيج البنية موصلة لاخوانها كايلة يكتلني ويسب بخواتي وامي . _ كتلتها اي صح والي اسبابي ، عزلت فراشي عنها هم واعترف لان ماتحترم يارجال منكم يتحمل مرته تنطي ل**ن اطول منه وتزمخ بوجهه اذا انتوا تتحملون انه ما اتحمل والظاهر هيه انجرحت انوثتها مني وراحت لاخوانها وظلت تخبص بالحجي ورادت بكل طريقة تنتقم مني واخوانها اجتهم فرصة ماتتفوت واخذوهه حجة عليه ورادو يخلصون مني وياخذون كل شي يخصني بالمحلات .. وهاي واضح السالفة وضوح الشمس حتى الاعمى يشوفها مخلد ابن عمي جبر كال ؛- صدك تحجي انت شنو تريدهم يهجمون عليه تريد تهججنا وتهجج عوائلنه . جاوبته ؛- لا والله شحدهم يهجمون احنا زلم ، سباع ومو قليلين شر واحنه اصحاب الحك .. مخلد ؛- انت غلطت ولازم تدفع ثمن غلطتك المفروض تجينه احنه نتصرف وياهم شون تروح وحيدك . جاوبته ؛- انه كرامتي انهانت شون تريدني اسيطر على نفسي بلحظتها شون اطفي نار غضبي الي اشتعلت بسببهم جان عقلي واكف عن التفكير بلحظتها ، وانت تريدني افكر بطران انته بطران وها وعلى فكرة ترة انه مامتندم لان ادري لو ماريح هاد عليهم جان انتوا حليتوها بفصل وانه الفلوس ماتمشي عندي ولاشيء مقابل كرامتي . الشيخ عزام ؛- عوف الفصل انه ادفعه .. _ لا عمي مامجبور انتَ .. _ كتلك عوفه وجفينه شرك ادري بيك هسه ماعندك لان توك خسران مشروعك بس اكو شرط لازم تنفذه . _ كول عمي .... _ منطقة بيت ابو راضي بعد ما توصلها برجلك ابد .. _ عمي جا وابني شنو هم يحرم عليه ما اشوفه ؟ انتوا شون تقبلونها اكو اب يتحمل مايشوف وليده _ لا ابنك يجيك لهنا لا تهتم وفلوسك النباكت هم توصلك بس اذا سمعت بيك واصل منطقتهم ازعل عليك ترة ونصير كلش موخوش وهاي انه كتلك تره اسمع مني وبعد لا ت**ر حجايتي هزيت راسي موافق وانه مدنك .. كال وسميحة طلكها وانه ازوجك ميسم ... _ سميحة اطلكها بس ميسم تعذرني عمي مااكدر اتزوجها.. _ لا تخاف انه اقنعها وهي اول تالي ماتاخذ غريب مثل خواتها ، وانت ابن عمها واولى بيها وانه حجيت كلمتي . _ لا عمي ميسم صغيرة بعدها وانه ماريد اتزوج هسه توة طالع من تجربة زواج فاشلة ، سميحة جبيرة والمفروض تكون واعية ومافهمتني انوب ميسم ، لا عمي لا أجل هذا الموضوع هسه .. _ اي حكك بس هيه تبقى الك لان انه كلت كلمتي وما اتراجع بيها . _ جا خليها من تكبر فد جم سنة والله كريم لذيج الساعة . *** ميسم : جانت الساعة ب ٩ بالليل الدنيا شته شهر ١٢ وبرد حييل ، الصوبة النفطية الي يسمونها علاء الدين مشعولة بنص الغرفة . وانه كاعدة على الجرباية وكدامي كتبي وملازم واقلام احاول عبثا ادرس ، فكري وبالي يم امي وشلون راح ترد للبيت وهيه طالعة بليه رخصة من ابوي وابوي عنده طلابة وفصل ويا اخوانها ، الافكار هاي كلها غزت عقلي شتتني وبعثرتني ، امتصت مني التركيز على دروسي وخلتني مركزة بالطلابة الصارت اخر مرة وشلون ابقى بلية امي انه ما اتحمل .. مايوم تركتني امي ابد من انه صغيرة لحد هسه انفتحت الباب وطبت بيبتي فخرية ، تركص وتطك اصبعتين وتلتف على روحها ووصلت لنص الغرفة وانه مصدومة منها عين عليها وعين ع الصوبة خاف تدفرها وتحركنا بس هيه مامهتمة ومستمرة تركص وتغني . _ او عياش خطبولة مرة يلله حيو حيو ، من غير حمرة محمرة يلله حيو حيو وشوف السحر بعيونها وخاف لايحسدونها وكلللوووش .. عليت راسي واباوعلها وخليت القلم بحلكي اعلس بي محتارة ، غير تخلص دبجتها وافتهم منها شصاير ؟ _ عمه شبيج منو راح يعرس صلوات ، انه الي اعرفه حاتم عرسه بعد شهر وعياش متزوج سميحة ليش جاي تهوسين لعياش؟ طكتها ضحكة بهستيريا وكالت ؛- امدام نايمة ورجلينج بالشمس ولج غير خطبوج لعياش وراح تصيرين مرته والله فرحتلج اووو كللللووووش . كتلها ؛- لا بيبي عفية لا تشاقين وياي هيج شقى ترة والله اخاف .. _ هم كالت بيبي هم كالت بيبي ، ولج انه ما اجذب اجيب الخبر اليقين وجيت افرحج شمالجن بس يصحلجن رجل وكلتن اعور . اي والله اعور الدجال عبالك بس هذا اعور عياش رغم عيونه سليمه طلعت من الغرفة اركض لبيبيتي . لان ما اصدك بكلام ام فخري اغلبه جذب . دكيت الباب بهدوء خطية خاف نايمة وافززهه وفتحته شفتها كاعدة على جربايتها ومنزلة رجلينها للكاع وبيدها ادويتها وايدها ترعش . بس حست بيه كالت هذا ياهو ام فخري وين خليتيني ورحتي تعاي انطيني دواي اريد انام . رحت تقربت منها اكثر كتلها بيبي انه ميسم مو ام فخري .. كالت يووو عيوني صايرة كلش يمكن گربت اعمى وبعد ماشوف . كتلها اسم الله على عيونج بيبي .. يابعد بيابيي وطوايف اهلي رحت يمها انطيتها الدوة مابيه تطلع الحبة من الشريط خذتها وانطيتها ماي . كتلها بيبي صدك هذا الخبر صدك ابوي انطاني لعياش ؟ حطت ايدهه على راسي وتمسح عليه كالت اي بنيتي عياش راح يطلك سميحة وياخذج هو ابن عمج وسميحة ماعرفتله وانت بنيتنه العاقلة الحبيبة الفقيرة تطيعينه وتصيرين زينة ويا . جان وقع الخبر صادم عليه ، احس روحي مثل حايط وطاحت عليه قذيفة وفلشته ، روحي احسها تمزقت الى اشلاء ، عياش !! مص*ر رعبي وخوفي مستحيل اصدك ليش هيج يابه ليش!؟ ليش تظلمني ليش تصير سبب **ري ، خوفي وتعاستي . والله للحظة عبالي ام فخري تجذب بس بيبي ماتجذب حييل خفت وانصدمت شأريد انسى صوته العالي وغلطه ويا سميحة لو من يكتلها وتجي مزوركة وانه بعدني بمقتبل عمري ومامتعودة اشوف هيج شي لان بعمره ابوي ماكاتل امي ولا مرة ابوي ، ماشفت العنف اله على ايد عياش من يعنف سميحة . طلعت من غرفة بيبيتي متثاقلة محملة بالخيبة وجان يصير كبالي عياش اخر شخص تمنيت اشوفه بهاي اللحظة ، رفعت راسي بتردد وباوعتله لابس دشداشة سودة وايده ملفوفة ومرفوعة ووجهه بعده بي أثر كدمات ، حسيت بالخوف تملكني كلي . مشيت سريع اريد اتخلص من هذا المنظر ما اريد اشوفه كبالي .. طلع صوته و اخترق جدار ال**ت صااح بصوت رجولي خشن واقرب للغضب وبصيغة الامر .. _ ميسم اوووكفي .. صوته اخترق طبلة اذني ، خلايا جسمي كلها صارت تصرخ ، كان صراخ داخلي مايتجاوز حدود الشفتين .. كال شبيج جنج شفتي شيطان !مدري جني ، مو عبالك شايف*ني . وتقرب اكثر وكال اتوقع سمعتي بالخبر مو ؟ رفعت عيوني وقابلت عيونه ماكدرت احجي دموعي حجت بالنيابة عني ، صار الدمع يتكاثر بمقلتي وينزل على وجناتي . تقرب مني وانه امشي للخلف لحد ماصار ظهري ع الحايط ، صرت مثل سعفة وطكهه الهوا ، بس ارجف . اعصر باصابعي مرة ومرة ارخيهن ومرة اشد عليهن تمنيت عندي قوة خارقة مثل فلم ( رجال X) اخترق الحايط وانهزم ، صارت نظراته غريبة اول مرة اشوفه هيج يتأملني ، زادت مخاوفي وجيت اطيح من طولي . عياش.. اول مرة بحياتي انتبه الها من صارت لهسه ملامحها كلها مخطوفة من الخوف ، انتبهت على بشرتها حنطية وخصلة نازلة من شعرها على وجهه طالعة من شالها الي مخليته عبثا على راسها ، شعرها تمري وعيونها سود الخوف متملك كل ملامحها . مديت ايدي وكضيت ايدها ، قلصت عيونها وصارت عيونهه تبث نظرات توسل ورجاء و ماعدها ذرة قوة حتى تسحب ايدها مني . سألتها بخشونة ؛- شبيج ليش هيج تبجين وترجفين ، انتِ خايفة مني ميسم ؟ .. دنكت وظلت تهز راسها بنفي .. كتلها لاتخافين مني انه ما اعاملج مثل سميحة تعرفينها بت خالج ملسونة وماتنحمل . فتحت عيونها بصدمة ، جرت ايدها مني بهدوء او بقوة منهكة ، وعين عليه وعين على ايدها الي بقبضتي . وراحت تمشي وانه اتأملها لحد ما دخلت لغرفتها وسدت الباب وسمعت صوت المفتاح ماكتلها ماريدج هسه ماردت انطيها امل كاذب خاف كل شي يصير بعدين . ميسم... طلع صح كلام بيبيتي فخرية ونوب هذا عياش رايدني ، شيحس من رايد وحدة ازغر منه ب ١٥ سنة ، يمه وينج ليش تركتيني اريدج بهاللحظة يمي ..محتاجتج والله شمرت الكتب الي جانت على السرير كلهن وطاحن بالكاع ، مديت ايدي الترجف للبطانية وتغطيت بيها لحد راسي اريد بس اهدأ ماجاي اكدر . كعدت الصبح احس حرارة جسمي كلش مرتفعة بحيث احس روحي صايرة تنور موجر ، اريد اكوم مابيه عضامي كلها توجعني ، حسيت نفسي محتاجة اتقيء غثيان فضيع ، كوة كمت للحمام غسلت وطلعت ، شفت عفاف بالهول خطية متوجعة ، لازمة بطنها ورايحة وجاية على طول الهول وتون ، قهرتني وفخرية كاعدة ع التخم . رغم مرضي وآلامي رحت يمها كتلها عفاف شبيج . عضت على طرف شالها وكالت راح اولد . كتلها ؛- جا كعديهم خلي يودونج .. كالت فخرية ؛- وينج وين بعدهه ماتجيب هسه بطنها عالية واظن واذا الله ماجذبني بيها ولد . عفاف متألمة ؛- عمه يا ولد الله يخليج مو خذيت سونار وطلعت بنية .. فخرية بعصبية ؛- ال**ي ال**ي السونار يجذب وانه اعرف منه وخاف اكلج انت الجذابة تخافين تكولين ولد خاف نطكج عين ، يمه يمه يمه منجن . عفاف ؛- يبوووي عمة دخيلج صيحي لعمتي خلي توديني للمستشفى راح اجيب . فخرية ؛- تمشي تمشي بعد لاتشلعين كلبنا بالمستشفى لا ساعة ولا ساعتين ، توازي هنانه كلش يله نوديج . عفاف ؛- لا عمه حبوبه خو ماترحين وياي انت ماريدج لاترحين تموتيني انتي ظلي هنا برد عليج والله . فخرية ؛- ايبااه وين لاكيتها اروح وياج انه وجهي خير وكصتي خير وبس اروح وياج ماتحسين بشي بسرعة تجيبين . صاحت عفاف بألم اخخخخ يمه لحكيني ، وكعدت على التخم وفتحت رجليها ولازمة ظهرها وظلت تحجي متألمة :- راح يطلع راس الطفلة ولج ميسم صيحي لعمتي ام عياش لو ام حاتم عفية . اريد اروح اصيحلها جان تلزمني فخرية من طرف ثوبي وانه منا المرض نايم بضلوعي ، بسرعة نخضيت وطحت بالكاع . خزرتني وكالت لاتروحين خليها تتوازه كلش لاتشلع كلبنا .. ظلت عفاف تصرخ وانه خفت عليها ومنها وكوة فلتت من فخرية ورحت اركض شفت مرة ابوي صارت كبالي كالت شبيج شبيج شصار وشنو هذا الصوت؟ كتلها عفاف جاي تجيب وبيبتي فخرية ماتقبل توديهه للمستشفى .. كالت ؛- جا هيه بكيفها فخرية ... وراحت تركض للهول وانه كضتني دوخة لزمت الحايط وكرفصت وكعدت بالكاع دايخة بقيت دقايق هيج علما استرجعت قوتي وكمت طلعت شفتهم ماكو الظاهر ودوهه للمستشفى كعدت ادعيلهه خطية لهسه صوتها وهيه تتألم بأذني . للظهر يلله سمعتهم جابوهه واجو صاحتني بيبيتي كالت تعاي شوفي البنية سموهه فاطمة ، دخلت لغرفة عفاف شفتها متمددة على الجرباية وام عياش يمها كالت تعاي احطها بحظنج ، حطتها وانه ظليت اباوعلها وظلينه انه وعفاف بالغرفة . _ ها ميسم تباوعيلها صافنة عليها حلوة مو؟ باوعت الها وعيوني كلها دموع ، كتلها ليش جبتيها بنية خطية . _ يا ليش تحجين هيج ميسم هذا رزق ربي الحمدلله عل كل حال . _ بس هسه تنظلم ويزوجونها غصب مثلي ، كمت وخليتها يم امها وطلعت من الغرفة ماانتبهت شنو حجت عفاف وراي بس انقهرت على الطفلة . الايام الي تلتها كضيتها نايمة بالفراش ومصخنة وماادري بنفسي ، كعدت شفت بيبيتي وابوي يمي وجاي يحجون ماحسوا عليه من كعدت واسترسلوا بحجيهم .. بيبيتي ؛- يمه ابو حاتم البت راح تموت على امها صارلها جم يوم على هذا الحال مصخنة وتهذي تريد امها احسن يصير بيها رجع مريتك يايمة لخاطر هالبت . الشيخ عزام ؛- المرة طلعتها من البيت مو مثل رجعتها وهيه طلعت وصارت ويا اخوانها وانه ناوي اردها بس مو هسه خلي يصير الها جرة اذن يله . بيبيتي ؛- يمته بعد ترجعها من تموت بتك وتتندم وصباح مابدر منها شي المرة شافت ابن اخوك ماخذ سلاحه يريد يكتل اهلها عقل ماظل براسها شتتوقع منها ؟ الشيخ عزام ؛- ارجعها يمه ارجعها بس مو هسه . ميسم.... كمت على حيلي وطحت على ايد ابوي اشهك وابجي واتوسل ... _ رجعها يابه والله راح اموت بدونها والله ما اتحمل امي تحبك والله بس الصار غصبا عليها . ظل يمسح على راسي بحنية وحجى بحنية ؛- صيري زينة بنيتي كوي روحج وانه وياج نروح نردهه . رفعت راسي والدمع يهل من عيوني وانه اضحك حجيت والعبرة مت**رة بص*ري ؛- صدك يابه ، وظليت ابوس بيده فرحانة وهو يضحك ، واباوع لبيبيتي واضحك الها وهيه مبتسمة الي .. ورة جم يوم تعافيت شويه وكمت على حيلي وسمعت من بيبيتي نروح نرجع امي ، بدلت وتحضرت وطلعنا بالسيارة ويا حاتم ورحنا لبيت جدي ابو امي .. استقبلونا بيبيتي وجدي وراحوا صاحوا لامي اجت سلمت ورحت حضنتها حيل وبوستها كعدت يمها .. ابوي كللها يله ام ميسم روحي حضري روحج احنه جايين عليج حتى ناخذج ويانه ميسم محتاجتج . ظلت تكح وتتحرك متوترة كالت ؛- ابو حاتم انه كبل لا ارجع عندي شرطيين . كللها ؛- انه ماتتشرط عليه مرة وهذا الحجي كدام ابوج بس راح اعتبره طلب واحجي اسمعج . صباح ؛- ابو حاتم اول شي انه ارجع وياك بس مو كبل مايطلع عياش من البيت ما اريد ابقى ويا ببيت واحد والشرط ،احم، الطلب الثاني ميسم ماتصير لعياش مرة انه مااقبل انطي بنتي ، هاي شروطي اذا قبلتهن ارجع وياك ........ يتبع ..

Free reading for new users

Scan code to download app

App Store Google Play

Facebookexpand_more