عروس مؤجلة

3212 Words

أرهنت_عمري نورا_ناصر بارت٢ لطمت امي ص*رها وصاحت؛- ياا صخام الصخمني هذا شبي ؟ فخرية كاعدة ع الكرويتة وحاطة رجل على رجل وتحرك بوحدة منهن ردت عليها ببرود ؛ شبي بعد مسودن ومخبل من يوم يومه واهلج هم مخابيل ومسودنيين وتعاركوا وراح تعلك .. ثواني وطلع عياش وبيده بندقية كلاشنكوف وطلع يركض ، لحكته امي تجرجر بقميصه المهترئ صيح بوجهه .. _ اخوانج باكوني الحرامية اليوم موتتهم على هاي الايد وسحب اقسام وبت اخوج العار راحت حرضتهم عليه ارتاحيتي هسه ؟ ظلت تصرخ امي ؛ يبوووي ولك اتعوذ من الشيطان صدك جذب تحجي انتَ .. رادته بس يوكف ما گدرت صعد بسيارته وحركها .. رجعت تلطم ومحتارة وتض*ب ايد بايد وصاحت ؛- ولج عمه لحكيني ابنكم راح يكتل اهلي .. ردت عليها فخرية ؛ خلي يكتلهم حل هم انتي تطلكين من الشيخ وهم يسجنون عياش ونخلص منكم اثنينكم فد مرة.. طلعت بيبيتي مخرووعة وكوة تمشي وترجف وتحجي ؛- ولكم شصاير شبي عويش هرج الدنيا بصياحه ولو فخرية مو اصيح عليج ليش مااجيتيني .. فخرية كامت على حيلها وراحت لبيبيتي تمشيها وانه واكفة ارجف وامي ركضت لغرفتها وبقت بيبتي تصيح _ ولجن شنو صار فهمني .. فخرية تريد تحجي سكتتها كلتلها مووكتج هسه انتِ ولج ميسم بيبي احجي شصاير .. تقربت منها وابجي .. _ بيبي هذا عياش متعارك ويا خوالي واخذ السلاح وراح يهد عليهم ... صاحت يبوووي ياهو الهنا خلي يروح يصيح للولد لو لابو حاتم والتفتت لفخرية ولج فخرية شوفيلي منو هنا .. فخرية مترهاية كلتلها هسه اشوفلج منو وكامت طبت جوة واجت وياها اخوي حازم.. ولنفس اللحظة طلعت امي من غرفتها بيدها عبايتها .. كالت انه اروح اتبعه خاف يكتل اهلي وانت حازم امشي وصلني وصيح لابوك شوفه وين ماوين .. حازم ؛ هسه شسوي اروح اصيحلج لو اوصل ابوي .. فخرية طكتها ضحكة من يمها وظلت تشيل ايدها وتض*بها على فخذها من كد ما سكرت من الضحك على حازم الي ماعرف يحجي الجملة صح.. صاحت عليها بيبيتي ولج مصخمة احنا بيا حال وانتِ تتمضحكين ولج خاف يتكاتلون من صخام الصخمني راح عويش راح بيها .. امي ؛ حازم روح شوف ابوك ووين وانه رايحة لأهلي .. بيبيتي كلتلها ؛ وين تطلعين بليه رخصة من ابو حاتم تسودنتي .. جاوبتها امي بذعر ؛ جا اخلي يكتلهم اروح انبهم ع الاقل .. بيبتي ؛- جا هو هسه وصل وراح من كل عقلج انتِ كضي كاعج وكعدي وتاني الزلم يتصرفون.. ركضت امي لبرة وبيبيتي طلعت كوة تمشي وتصيح وراها وانه تبعتهم وصحت عليها .. _ يمه يمه وانه وين ارووح ؟ اشرتلي وهيه واكفة يم باب الشارع ردي للبيت هنا أمن الج .. رديت للبيت ابجي وخايفة شراح يصير ياربي .. وظلت بيبيتي تهدي بيه واباوع لاخوي حازم يشغل السيارة وطلع من الكراج .. ظلت بيبيتي تلطم وتحجي وتردد _ بردا وسلاما ياربي اجعلها بردا وسلاما ، شون اذا تكاتلوا هسه شلوون والولد وين ليش ما اكو احد هنانه ابد ليش ؟ وين راحو مو عوايده يبقى البيت فارغ من الزلم .. يبوووي خاف يكتلون عياش راح وحيده ياربي شسوي .. ظلينه ندعي وانه ميتة خوف على امي اكثر شي لان طلعت بدون رخصة من ابوي وهم طلعت وحدهه وبهذا الوضع ظليت الوب ومنظر عياش وهو شايل السلاح مافارك خيالي ابد وتتكون كدامي صور تطيح بامي طلقة وتكتلها ردت بس امحي هاي الصورة ماكدرت انهاريت كلش وكعدت بالكاع حضنت روحي وابجي.. والتموا كلهم واجه سعيد اخو عياش الجبير وام عياش ومرة سعيد وانكلب البيت مناحة من ام عياش ، فخرية بسرعة نقلت الخبر اسرع منها ماكو .. *** سميحة ؛- عياش مايصير يومية ماخذ فراشك ورايح للاستقبال تنام تره هاي لاصايرة ولا دايرة صارلك بالاشهر هاي حالتك حس عندك مرة.. عياش ببرود ؛- من تتعلمين الاحترام احترمج واجي انام يمج . سميحة بصوت عالي؛- هسه هاي بالله شيسمونها ماتكلي ؟ تعزل فراشك عني ترة انه كلت لابوي وعمتي وهمِ ماراضين عليك . _ فضحينا فضحينا بنت الكلب بعد بس المالكي ماعرف انه عزلت فراشي . _ والله لاخلي اخواني ي**رونك والله ويسوون بيك سوايه ماصايرة وحتى من الشغل اخليهم يبطلونك بس اصبرلي . _ دطيري تخوفيني باخوانج ومن يا يشغل هذا يبطلوني ؟ لج بابا انه وياهم شريك ما اشتغل عدهم انه .. هذا حالي ويا سميحة الي سنتين متزوجها ل**نها طويل وماتحترم وباي مكان تلاسني عادي وانه زلمة وتربات شيوخ وما احب المرة الي ل**نها طويل احجيلها كلمة تجاوبني عشرة . انه اشتغل بالسوك ويا ابوها واخوانها وعدنه مشروع محلات مواد غذائية جملة... بعد ما طلعت من البيت بدون علمي ، يوم ثاني رحت للمحلات ماشفت احد من اخوتهه جنت ناوي احجيلهم على طلعة اختهم بدون علمي من البيت شفت بس ابو علاء رجال يشتغل بالمحل ... دخلت سلمت عليه؛- ها ابو علاء الله يساعدك _ هلا عمي ابو مهند الله يساعد بختك .. _ وينهم ا****عة شو ولا واحد منهم ؟ تقرب مني مايحط عينه بعيني استغربت ليش!! كال ؛- عمي راضي ومحمد يكولون بعد لا تجي هنا مالك شي عدهم وكلولي اوصلك هالحجي يكولون عدهم طلابة وياك تحضر الهم .. انصدمت من كلامه عليت نبرة صوتي وكتله؛- شنو هالحجي شنو مالي شي هنا انه الي حصة بالمحلات ورحت صوب الميز فتحت المجرات شفتها فارغة ظليت ادور على العقود والفلوس ماكو شي .. اجاني ابو علاء ؛- لاتدور عمي ماراح تلكى شي الولد كفوا كل شي وراحوا انت اشتكيهم لعمك الشيخ خلي هو يفض طلابتك احسن .. جريت نفس بعصبية وطلعت من المحل وانه فاير صعدت بسيارتي وادردم . سوتهه سميحة بت الكلب فوك شينها كوات عينها فوك مال**نها اطول من النعال راحت حرضتهم والله المرة الي تحرض عليه اهلها ماتصيرلي مرة وحگي اطلعه من عيونهم . صعدت بسيارتي وسقتها بنص الطريق واعترضتني سيارة طلعت على الترابي وطريق بين البساتين والسيارة ملاحكتني وصاروا يطخون سيارتي من ورة اضطريت اوكفها لان راح اسوي حادث واريد اعرف هذول شيردون مني ؟ قابل خايف منهم انزل واشوف شنو يردون! وكفت السيارة وفتحت الباب واشوفهم نزلوا اخوان سميحة تلاثتهم راضي ومحمد وحسين واجو صوبي راضي صاح من بعيد وبيده السلاح ويمشي صوبي ؛- ولك عويش انت شون تمد ايدك على اختنه شون تسبنه وتسب عرضنا تعال نشوفك الامهات شتجيب . الله اكبر عليج سميحة كلت بكلبي هاي شرايحة مخبصة .. صحت عليه من مكاني ؛- عوف مشاكل النسوان على صفحة وكلي الي سمعته من ابو علاء بالمحل صحيح ؟ تقربوا مني تلاثتهم .. راضي؛- اي بعد انسى الك شي يمنه . جاوبته بعصبية؛- شنو هو بكيفك لك بابا اكو عقود تثبت شراكتي وياكم وحكي اخذه من حلك السبع تعرفني زين انتَ ، الشغل ماله علاقة بالمشاكل العائلية لاعبالك ساكت على اختلاساتك ترة يجيك يوم اخليك ماتندل دربك لاندمك والله اندمك. رفع السلاح وكال ؛- انه اليوم كتالك اريد اشوفك شنو تسوي بالله يلا انه بكتك لحد ماكلت بس وهسه شتريد . ويضحك باستفزاز ... عياش .. ماجنت خايف من سلاحه ض*بته بو** بنص خشمه ، كانت هاي الض*بة مثل القشة الي ق**ت ظهر البعير توالت الض*بات مني ومنهم وهمَ تلاثة وانه واحد والكثرة تغلب الشجاعة ، ض*بوني لحد ماكدرت اتنفس بعد ، شمروني على حافة الطريق وصاروا يرمون على سيارتي بعشوائية وانه متمدد اسب واغلط بيهم . لحد ماراحوا بسياراتهم وانكلعوا ، جريت روحي من الكاع وصرت ازحف زحف لحد ماصعدت بسيارتي والحمدلله المكينة مامتضررة من طلقاتهم ، جريت نفس بصعوبة ، جريت بطل ماي من يمي شربت شويه والباقي فرغته على وجهي ، حركت السيارة كوة وتوجهت للبيت ، انه ماشايل سلاح لو شايل جان سويت طشارهم مالة والي . سقت السيارة وحركتها توجهت للبيت شفت صباح حقدت عليها هي السبب بكل شي هيه خطبتلي سميحة وبعدها تطورت علاقتي ويا اهلها وفتحت المشروع وياهم وصار الي صار . اخذت سلاحي وصعدت سيارتي وتوجهت لبيتهم وكفت كباله ، سحبت اقسام وصرت اصيح بعلو صوتي _ جبانية حرامية وينكم تعالوووو اليوم ابتلي بيكم واحد واحد اليوم اليووووم .. صار رمي من الجهتين انه ارمي وهمَ يرمون عليه الى ان اجت طلقة بجتفي لبدت ورة السيارة وصرت انزف الى ان فتحت عيوني بالمستشفى . *** ميسم .. للمغرب انه على هذا الحال وامي راحت وما ادري بيها سمعت صوت ابوي دخل للبيت قويت نفسي وكمت على جيلي امشي وارجف مثل سعفة وطكهه الهوا بس صار كبالي ابوي شفته يتحس ويستغفر ويحرك بسبحته ومتوتر .. تقربت منه وسألته؛- يابه وين امي ؟ كال ؛ وينها امج انه ادري بيها .. جاوبته بدموع ؛ بس سمعت بعركة عياش ويا خوالي لبست عبايتها وراحت الهم .. صاح ابوي بعلوو صوته وهيه ليش تروح منو كللهه تولي وصاح يمه يمه وينج .. اجت بيبيتي ووراها فخرية _ ها يمه ابو حاتم بشرني شصار من العركة ووينه عياش هسه؟ _ يمه انتِ شون تخلين صباح تطلع وحيدها من البيت .. _ وداعة عيوني ركضت وراها ماكدرت الها المرة مفرفحة تفرفح على اهلها .. _ لا حول ولاقوة الا بالله وهاي طلابة عياش ماراح تفض مصوب ٣ منهم ومصوبينه بچتفه هسه جيت منه من المستشفى وهم راح ارجع اشوف طلابته ليوين توصل .. سمعت ام عياش صرخت ؛- يمه عياش ابني .. واجت تركض صوب ابوي .. شافها ابوي وكللها ؛- هدي هدي خويه ام عياش لاتخافين حالته مستقرة هسه والويلاد كلهم يمه سعيد وحاتم وحازم وولد اخوي جبر وعمامه . ظلت ام عياش مفرفحة وتبجي _ اريد اروح اله اشوفه خلي واحد من الولد يجيني ياخذني اله . _ مايصير مايدخلونج يمه هسه انطري للصبح . بيبتي ؛- الله اكبر على شنو هالطلابة جا شبيهم تخبلوا بهالمغربية هاي ؟ ابوي ؛- مو كاضيله الدرب وكاتلينه راح هاد عليهم . _ اي سودة عليه سمعت صوته يصيح وميسم كالت اجانه مدمى بعد عيوني ... _ والباقي انتِ تعرفينه وهاي صباح انه اعلمنها حسابها عسير وياي .. ميسم ؛ خليت ايدي على گلبي وخفت على امي من ابوي ومبين هاي الطلابة صدك ماراح تفض .. طلع ابوي واجو يمنه عمامي و ولد عمامي الباقيين لين خايفين يصير رد فعل ويهجمون علينه عشيرة خوالي .. ام عياش بقت مفرفحة وكاعدة بالكاع وتبجي وتدك على رجليها ، اجت فخرية وكعدت كبالها .. ظلت تباوعلها وتحط ايدها على حنجها ومحتارة شلون تقدم الها المواساة وبأي طريقة . الى ان تقربت منها وكضتهه من زندهه وكالت ؛- خية لاتبجين رحتي عميتي عيونج ، من يموت عياش نبجي عليه . رفعت راسها ام عياش معصبة وتخزر بفخرية صاحت عليها ؛- كومي من كدامي شووو كومي فال الله ولا فالج شرايدة منه . كامت فخرية وهزت بيدها وكالت ؛- هاي فوكاهه بعد فوك ماكعد اواسيج بس مو صوجج . ردت عليها بصياح ؛- هيج مواساة منج ما اريدها وكملت حجيها ببجي واجت مرة سعيد (عفاف) كلتلها كومي عمة كومي توضي وصلي وادعيله .. جاوبتها من بين دموعها؛- خابرتي سعيد ؟ ما كتيله يجي عليه ياخذني اشوف اخو . _ اي عمة خابرته وكال جاي .. اخذتها من ايدها وكومتها وراحو جوة وبقيت انه كاعدة بالكاع وحاضنة رجليه لص*ري ومخليه حنجي على ركبي ودموعي مغركة وجناتي وبالي كله يم امي . *** فتحت عيوني وانه بغرفة الافاقة من البنج بالمستشفى احس نفسي بغير عالم ومامذكر بالضبط شنو صار دقايق واخذوني من السرير خلوني ع السدية وطلعوني لغير غرفة . لهناك شفت ولد عشيرتنا كلساع يطبون مجموعة يشوفوني سألت عن اخوي سعيد كالوا راح يجيب امي لان كلش قلقة وحالتها حالة .. حسيت بألام قوية ماكدرت انام من الالم ، كلت للولد يصيحون للممرض ، دقايق واجه انطاني ابرة ونمت ماحسيت بعدها اله وجه الصبح اول ماكعدت شفت حاتم ابن عمي يمي سألته عن امي كال اجت بالليل شافتك وبقت يمك شويه وراحت رجعت للبيت .. جابولي اكل اكلت وظلوا يجوني ناس اصدقاء واقارب للظهر انتهى وقت الزيارة وانه احس نفسي مخنوك كلش وبقى حاتم يمي ، صحت عليه ولك تعال طلعني بالحديقة شوية ترة اختنكت .. اجه يمي وكال ؛- ولك اكعد هنا واسكت ويمك الشباك افتحه وباوع ترة مهددين احنه ماتشوف مبقينك بالمستشفى .. صيحت ؛- لك دووولي مالكيتني اله انه اخاف شو طلعني يلله ... ونزلت من السرير ورحت امشي اجه لزمني كال ولك تهدا اصبر لا تجينه طلقة تايهة النوب .. كتله وشيجيبهم هنا بالله ؟؟ جاوبني وكال؛-يمعود توقع الاسوء انتَ مصوب منهم تلاثة ترة مايسكتون .. _ وانتَ شبيك خايف وترجف ؟ _ افااااا انه اخاف ؟؟ لك انه اسد وحتى برجي هم الاسد . _ برجك الاسد ؟ شعجب تصرفاتك تصرفات حمار ؟ _ دمشي الخاطر ربك هسه وكتك ؟ طلعنا للحديقة شميت هوا احتاجيت ادخن ماقبل حاتم يجيبلي جكاير ، للظهر دخلنه للردهة اجاني عمي الشيخ كتله عمي اريد اطلع من المستشفى .. كال لا ابقى هنا أئمن الك لان ا****عة متحشدين وانه رحت الهم وخذيت الناس الخيرة وطلبت منهم عطوة ولازم نفصل .. كتله ؛- افصلهم بنعال ، فوك حكه دكه انه صاحب الحك وانه الي لازم افصل باكوني وهجموا عليه وطلابتي وياهم مافضت بس خل اصير زين لاخذ حكي منهم كامل ومكمل .. كال ؛- لك عياش الارعن انتَ مصوب منهم تلاثة وواحد منهم بحالة خطر ، المفروض ماتتصرف هيج جان جيت علينه واحنا فضينا طلابتك وخذينه حكك موتروح تدكهم وحيدك وتضيع حكك بيدك الي سويته اكبر غلط .. _ عمي الله يخليك ترة هاي مرتك ورطتني وياهم ناس حرامية وماعدهم مخافة الله انه سميحة بعد ما اريدهه اريد اطلك . _ اسكت هذا الموضوع ماتحجي بي افتهمت خلي يطلع منهم احسن والليلة انتَ باقي هنا ودير بالك اسمعك طالع لو اشوفك بالبيت .. والتفتت للولد وكمل كلامه ؛- حاتم سعيد بوية مااريده يطلع حتى لو يكللكم اريد اطلع لاطلعونه وصيحوا ع الدكتور خلي ينطي منوم وينومه يخلصنه منه ابو المشاكل .. ظل يفر بالسبحة بيده بعصبية والولد جاوبوا صار بويه خذه حازم وطلع من الغرفة ، وانه نار الحقد الي بداخلي راح تحركني احس روحي مربط تربط اريد بعد انتقم واخذ ثاري منهم .. كتله ولك سعيد هذول المطايه وين خامدين بيا مستشفى .. كال ؛- يا مطايه تقصد هواي اكو مطايه .. كتله ؛- ولك هذول الي هديت عليهم وصوبتهم .. _ مو هنا مو بهاي المستشفى خو مايخلونهم وياك .. _ حرامات جان رحت خلصت عليهم وموتتهم .. حاتم ؛- ولك انتَ صوبتهم والدنيا مكلوبة بالبيت جيب الليف ودي الليف بعد تريد تموتهم ، جا مايبقى واحد بينا صاحي .. _ خليووولون الى جهنم وبأس المصير بس اطلع منا اكتلهم لايفرحون ....... *** مرت كم يوم وامي ما اجت رحت لعفاف مرة سعيد كتلها تنطيني تليفون رجلج ا اخابر بي لان جانت قليلة التليفونات بوكتها ومو اي احد عنده دكيت رقم خالي الصغير عصام جاوبني سلمت عليه وكتله انطيني امي وانطاهه التليفون بس سمعت صوتها ظليت ابجي .. _ ها يمه شلونج خو مابيج شي!! _ لايبعد امج مابيه شي ، بيوم الحادث انه رحت لبيت جدج عبالي هناك يهد عياش لان ماعرفت عركته ويامن بالضبط، طلع هاد على بيت خالج ابو راضي .. _ يمه انتِ ليش باقية عدهم سألت ابوي عليج ماجاوبني تعاي رجعي هنا عفية شعندج هناك ماتدرين بيه احتاجج انه ليش عايف*ني . _ بعد عمري عمرج ماتدرين شكد افكر بيج انه بس ماكدر ارجع هسه ، بنيتي صيري قوية وتحملي غيابي بس هالفترة . شهكت بالبجي كتلها ؛- لا والله ما اكدر يمه عفية رجعي. _ لاتبجين بنيتي لاتبجين انه اذا ارجع عندي شرط لو انه لو عياش بالبيت خلي ابوج يطلعه من البيت يله ارجع هذا شرطي وما اتنازل عنه .. _ بس تدرين بأبوي مايسويها عياش هو ايده وهو رجله مايطرده لو تنكلب الدنيا .. _ بعد هاي ظلت يمه بكيفه ويدري صباح ماتتنازل عن كلمتها .. _ يمه فكري بيه دخيلج الله يخليج .. حجيت و غصيت بالبجي .. _ لا تخافين انتِ مايصيبج شر بس ديري بالج على روحج وانه اظل اتواصل وياج واخابرج يوميه .. _ يمه خايفة من عياش خاف حاقد على خوالي ويطلع حركته بيه . _ شحده اطيح حظه لاتخافين ابوح موجود وماينطي بيج . _ يمه لهسه صورته مرسومه كبال عيني من اشوفه يهدد حتى دوام ماجاي اداوم ، فاتتني كومة امتحانات وانه هالسنة ثالث وبكالوريا . _ لا كل شي ولا دوامج روحي داومي خلي حازم يجيبج ويوديج وبس تهدأ الاوضاع انه وياج مانتفارك ابد . سديته منها وامسح دموعي احس وحيدة وبغابة ظلمة مامتعودة على فراكها ابد .. *** طلعت من المستشفى وراها بأيام صارت الكعدة بقيت بغرفتي منتظرهم يجون ماكدرت حتى اغفى وكلما اخابرهم لو محد يجاوب لو يجوبون ويكولون بعدها مافضت . لليل انفتحت الباب ودخل حاتم ابن عمي ، شمرت الجكارة من ايدي وتوجهت اله ها ولك بشر يحاتم ؟ شصار بالكعدة! غمض عيونه وهز راسه ، دفعته من ص*ره وبعدته عني كتله ماتحجي شبيك وين عمي اجه لو بعده ؟ خلي اروح اشوفه . اريد اطلع سحبني بهدوء وكال لك انه افهمك بس اكعد رحت كعدت على السرير وهو بصفي . كتله ماتحجي مو بطيت مرارتي احجي لا اسوي بيك سواية بيت مريضي . كال ؛- لك عياش يبن عمي دمك مهدووور وخلى ايده على عيونه وظل يبجي وجسمه يهتز .. وكفت على حيلي كتله جوة نعالي هم وعشيرتهم انه يهدرون دمي!!! خلي ياكلون تبببن .. وخر ايده من على عيونه وصار يباوعلي ركزت بعيونه كل شي مابيهن وطكاهه ضحكة شكدهه كال ولك انتَ عار والعار مايموت شيهدرون دمك ... ض*بته برجلي كتله تحجي لاشلون !! كال بشرفك ماطيحت كلبك بل***** دنجب واحجي هسه شلون والتالي وياك؟ حاتم... طلعنا منا ابوي اخذ الناس الخيرة والكبارية والمشايخ والسادة ودخلنا عليهم للديوان سلمنه عليهم وهم محضرين شيخ عشيرتهم وجماعتهم كلها .. كعدنا وابوي ترخص منهم يحجي .. الشيخ عزام ؛- بسم الله الرحمن الرحيم (انما المؤمنون اخوة فأصلحوا بين اخويكم واتقوا الله) صدق الله العلي العظيم ياجماعة الخير احنا اليوم جايين وجايبين الناس الخيرة حتى نصلح ذات البين ، يكولون طلابة الاغم اثگل من الحديد وطلابة الزين اخف من الريش وانتوا ان شاءالله زينين وماعليكم غبار واحنا بيناتنا نسب وقرابة وصلة رحم .. كمل كلامه ؛- اولادكم اعتدوا على ابنه بنص درب مكطوعة وباكو حكه من شغله وچده وتعبه عينك عينك والانسان بساعة عصبية كل شي يسوي احنا هنا جايين نحلها سلميا وباتفاق الجميع انتوا فصلوا واحنا نلبس بما يرضينا ويرضيكم تفضلوا بويه . شيخ عشيرتهم؛- من رخصة الشيخ ابو حاتم ابنكم هاد على بيتهم ومصوب تلاث نفرات منهم وكبلها سابهم وساب عرضهم ومأذي كريمتهم باسطها وضاربها واحنا يابويه مو حايط نصيص ياهو اليجي يعبره ، ان جان عنده حك يجي ياخذه بس مو هيج ، احتراماتي الك ابو حاتم بس ابنك هو البادي والبادي اظلم وانتوا اكثر طغيان منه . الشيخ عزام ؛ ...والنعم منكم انه مجاي ابرر العياش بس كلمن اخذ جزاته ، وما دام كلمن اخذ جزاته احنه نريد نحلها سلمية تعرفون احنه مو گليلين شر بس واحد يدور الستر ، والتامرون بي يتنفذ وترى انه تنازلت عن حق عياش بس لاجل الستر وماانسى بينه زاد وملح واحنه نسابة . الشيخ ؛- احنا طالبين فصل ٥٠ مليون .. الشيخ عزام ؛- لا فصلكم هواي وعلى حجيك احنا هم لازم نفصل لان عياش هم مصوب .. بهذه اللحظة صار جدال كلش قوي ، تدخلت الناس الخيرة وطيح لعمك وطيح لخالك ولسيد فلان ولشيخ فلتان ، صفى الفصل ١٠ ملايين .. ابو راضي ؛- من رخصة الناس الخيرة انه عندي شرطيين اولا عياش بعد مايدخل لمنطقتنا وثانيا يطلك بتي وما اله شي يمنه بعد . عزام ؛- مو من حقكم تمنعونه من دخول منطقتكم واذا على بتكم اذا تردونها تتطلك طلكوهه وعياش مرته عندي . ابو راضي ؛- بحكم القرابة الي بيننا الي اعرفه كريماتك كلهن متزوجات . الشيخ عزام ؛- لا عندي وحدة مامتزوجة وانتَ تعرف شنو تقصد ....... بعد ماخلصت الكعدة اجه ابو راضي لابوي الشيخ وسحبه على صفحة وكله ؛- شنو شيخ عزام انت بس لاتقصد ميسم تريدها لعياش .. الشيخ عزام ؛- اي نعم ميسم يا ابو راضي بتي وانه انطيتها لعياش ابن اخوي .. ابو راضي ؛- اي بس ميسم طفلة كلها ١٤ سنة تزوجها لواحد مثل عياش يجرم بيها ؟ الشيخ عزام ؛- وشنو طفلة ترة الطفل هم يكبر هذا شي يخصنا مايخصكم وعياش مو الهالدرجة وحش ومابكلبه رحمة حتى يجرم بيها وترة عياش حووك وزلمة بس كريمتكم ماعرفت ت**به .. ابو راضي ؛- ميسم وانه خالها وعلى جثتي ماتصير لعياش .. الشيخ عزام ؛- وانه ابوها وميسم لعياش ومن رخصتك عندي شغل .. عياش بعد ماخلص حاتم حجي عن الكعدة الصارت فتحت عيوني على وسعها ميسم الي!!!! يتبع .. اليوم نشرت على وكت لان راح يخلص اشتراكي الليلة تحياتي الكم .. ❤⚘

Free reading for new users

Scan code to download app

App Store Google Play

Facebookexpand_more