"Excuse me, hon," bulong ni James kay Bettina nang akayin na ito ng isang kakilala upang kausapin.
Halos tipid na pagtango na lamang ang nagawa ni Bettina sa kanyang nobyo sapagkat ang kanyang mga mata ay nakatutok pa rin kay Samantha na nanatiling nakatayo sa kanyang harapan.
"Nice bracelet," puri niya sa suot nito nang silang dalawa na lamang ang magkaharap. Naglagay pa siya ng isang ngiti sa kanyang mga labi nang kausapin niya ang dalaga.
Samantha smiled at her. Bahagya pa nitong itinaas ang kamay kung saan naroon ang alahas.
"Thank you," pasasalamat nito. Ni hindi niya masabi kung sinsero man ang pagkakawika niyon ng dalaga.
"It is beautiful."
"Yeah. Buti nga naayos pa," wika nito na naging dahilan ng pagdikit ng kanyang mga kilay. "Napigtas nang isang araw."
Dahil sa mga sinabi
