"I am sorry, hon. I had a meeting this morning. Ngayong hapon naman ay makikipagkita ako sa bago kong kliyente," narinig niyang wika ni James mula sa kabilang linya.
Marahan na napabuntong-hininga si Bettina dahil sa mga sinabi nito. Kahapon nga ay makailang ulit niyang tinawagan ang kanyang nobyo pero hindi man lang nito sinagot ang mga tawag niya. Kahit ang mensaheng pinadala niya ay hindi man lang nito tinugon.
Bandang tanghali nang araw na iyon ay muli niyang sinubukan na tawagan si James. Sinagot na nito sa pagkakataon na iyon. She told him about what happened to Jaime. Tinanong niya pa ito kung makakadaan man lang ito ng ospital. Pero tulad ng inaasahan niya ay abala na naman ang kanyang nobyo.
"How about last night? Tinawagan kita," saad niya pa dito. Hindi niya maitago ang hinan
