Nahinto ang akmang paglalakad nina James at Samantha patungo sa direksiyon ng elevator nang makita ng mga ito si Luis. Rumihestro sa mukha ng abogado ang pagkabigla samantalang balewala lamang ang kanyang presensiya para sa dalagang kasama nito.
Tuwid siyang tumayo sa harap ng mga ito. Luis looked so firm. Ni hindi siya nagpakita ng pagkailang. Hanggang sa mayamaya ay narinig niya ang marahan na pagtikhim ni James bago siya tuluyang hinarap.
"Engineer," bati nito sa kanya. "May kailangan ka ba?"
Saglit na pinaglipat-lipat pa muna niya ang kanyang paningin sa dalawa. Ang sekretarya naman ng abogado ay patuloy lamang sa trabaho nito at duda pa siya kung napansin man nito ang tensyon sa pagitan nilang dalawa ng amo nito.
Marahan siyang nag-alis ng bara sa kanyang lalamunan. Isang hilaw na
