Ilang saglit na hindi nakahuma sa kanyang kinatatayuan si Luis. Gusto niya pa na makaramdam ng hiya dahil sa naabutan niyang eksena. Hindi niya alam na may kasama pala sa loob ng opisina nito ang taong katatagpuin niya. Ayon naman sa sekretarya nito nang dumating siya ay maaari na siyang tumuloy. Hindi niya inaasahan na may kausap pa pala ang abogado kaya naman nagkusa na siyang buksan ang pinto ng opisina nito.
Mula sa pagkakayakap sa baywang ng babae ay tuwid na napatayo ang lalaki at napalingon sa kanya nang sumilip siya mula sa may pintuan. Samantalang ang babae naman na kasama nito ay waring hindi nababahalang tumayo lamang sa tabi ng lalaki.
"I-I... I am sorry. I did not mean to disturb you both. Ayon kasi sa sekretarya ay maaari na akong---"
"So, you are the engineer?" tanong ng
