Chapter 37
ALMIRA
Paglabas ko sa kubo ay tinimplahan ako ni Samuel ng gatas na binili niya. Naninibago man ako sa ikinikilos niya, ngunit hindi ko na lang iyon pinansin. Asikasong-asikaso niya ako ngayon. Hinayaan ko na lang siya at baka may mabait na maligno ang sumapi sa kaniyang katawan.
Sumapit ang Alas-otso ng umaga dumating na raw ang mga bisita nila Daddy sa mansion.
“Kuya, nariyan na ang mga bisita ni Daddy at Mommy. Umuwi, muna raw kayo ni Almira. Sabay na raw tayo kumain,” wika ni Nemuel kay Samuel. Kararating lang ni Nemuel, galing sa mansion.
“Tara na, Almira,” aya na ni Samuel sa akin.
“Dito na lang ako. hindi na ako kakain dahil busog na ako,” tanggi ko kay Samuel. Ang totoo hinihintay ko ang tawag ni Dominic. Isa pa busog talaga ako dahil sa gatas na ininom ko kanina
