Chapter 36
ALMIRA
Salo-salo kaming kumain habang ang dahon ng saging ang ginawa naming plato. Nakakapagtataka nga dahil nilalagyan ako ni Samuel ng kanin. “Kaunti lang ang kanin na kakainin ko. Ang dami naman nitong nilagay mo,” reklamo ko kay Samuel at ibinigay sa kaniya ang ibang kanin na nilagay niya sa dahon ng aking saging.
“Ano na lang ang kinakain ng anak natin sa tiyan mo kung ganiyan kaliit ang kinakain mo?” tanong ni Samuel sa akin.
Totoo ba ang naririnig ko? Nag-aalala ba siya o nagtatanong lang?
“Itong mga pinapapak kong ulam. Saka itong pakwan ang kakainın niya at singkamas,” Sagot ko habang kinakain ang inasal na palaka. Ang bango-bango nito na masarap pa sa native na manok ang lasa.
“Ganiyan talaga ang buntis, Rafael. Pihikan sa pagkain. Mabuti nga medyo kumakain n
