Patuloy pang dumaan ang mga araw na walang naging pagbabago sa aking nararamdaman. Hindi rin kami nagtagal na magkasama noon nina Celeste at ng kanyang asawa sa kadahilanang mayroon pa silang lakad nito ng araw na iyon. Pabor din iyon sa akin dahil kapag hindi pa ako nakipaghiwalay sa kanila ay baka nabanggit na dito ang aking lihim na sitwasyon upang mailabas ko lang ang aking hinaing. Tumindi at lalo pang lumala ang paulit-ulit at halos araw-araw na pagsama ng aking pakiramdam na kahit anong gawin ay hindi ko mapigilan. Hindi na lang basta ako nagsusuka o naduduwal kapag may hindi kaaya-ayang amoy sa aking paligid, nahihilo na rin ako at bahagyang nandidilim ang aking paningin. Ngunit sa kabila ng mga nararamdamang iyon at pamimigat ng katawan ay nagawa ko pa rin na pilitin ang aking sar
