Ipinilig ko na doon ang aking ulo nang dahil sa alaalang iyon ng kahapon dahil iyon din ang naging simula ng pakikipaglapit ni Nicko sa akin. At dahil sa alam ko na wala talaga sa kanilang namamagitan kung kaya naman ay hinayaan ko rin ang aking sarili na mahulog sa kanya at hindi na pinigilan pa ang aking sarili.
“Nililigawan ka ba ni Nicko, Sanna ha?” straight to the point na biglang tanong sa akin ni Alma.
“Ha?” maang-maangan ko.
“Huwag ka ng magkunwari, tsismis sa buong campus na nakita raw kayo sa may playground at magkayakap. Umamin ka, kayo na ba ha?”
“Alma--”
“Bakit naglilihim ka sa akin? Bakit alam ni Celeste ang bagay na iyon keysa sa akin? Best friend mo ako kaya dapat ako ang unang makaalam ng mga bagay-bagay sa'yo Sanna!”
Ang buong akala ko tutol siya, iyon pala ang pag
