Ilang beses kong sinulyapan si Zyvan habang mahimbing pa rin ang tulog sa aking higaan. Nakayakap pa ito kay Pochi na panay lang ang sulyap sa akin habang humihilik ng mahina. Tila sinasabing nais rin niyang makabangon. Nakaligo na ako at lahat, handa ng umalis ng apartment pero siya ay tulog pa rin. Halos madaling araw na nang makatulog kami. Hindi na rin namin nagawang ubusin ang alak na kanyang dala dahil sa inaantok na ng sobra.
“Zyvan, gising na diyan. Hindi ka ba papasok?”
Wala itong kahit na anong response sa akin. Nanatiling natutulog at nasa ganung pwesto.
“Zyvan? Gising na diyan, aba. Bumangon na. Unless ayaw mong pumasok ng school diyan.”
Kagaya kanina ay wala pa rin itong kahit na anong reaction doon at sa halip ay humilik pa. Humakbang na ako palapit ng kama na naging da
