Medyo humuhupa na ang gulo at ingay sa kanilang tahanan nang sapitin ko iyon. Subalit may mga umuusisa pa ‘ring mga kapitbahay at onlookers sa labas ng bahay. Ipinarada ko ang aking sasakyan na may kalayuan. Hangga’t maaari ay ayokong makakuha ng atensyon buhat sa kanila at sa mga nakikiusisa. Gusto ko lang namang malaman kung ano na ang nangyayari sa kanila kung kaya nagpasya akong pumunta at sundan siya. Hindi ko rin intensyon ang makisawsaw sa kung anong gulo sila mayroon at makisali hanggang sa mas lalo pang gumulo ang sitwasyon nila.
Heto nga at ayaw kong magpakita hindi ba?
Sinong niloloko mo, Sanna? Tsismosa ka!
“Kapag nalaman kong okay lang sila ay aalis na rin ako, alam ko naman na wala dapat ako dito dahil hindi naman ako kasali sa kanilang gulo.” bulong ko doon na medyo ibin
