Hindi na ako makatingin ng deretso sa mga kaibigan habang nakaupo na kami sa loob ng maingay na bar na iyon. Samu't-saring amoy ang naroon na nanunuot sa tungki ng aming ilong. Hindi ko mapigilang ipilig ang ulo. Kaya ayokonh nagtutungo sa ganung klaseng lugar eh, ayoko sa masangsang na amoy na ganito. Nangingibabaw na doon ang pinaghalong amoy ng alak at sigarilyo. Nagi-guilty rin ako, hindi naman sana kami patungo dito ngunit nang dahil sa kasinungalingan ko ay umabot kami sa puntong ito. Hindi kami nakaligtas, dahil pilit kaming inihatid ni Preston na para hindi ako lumabas na sinungaling ay iginiit ko. Hindi ko naman magawang makaangal dahil lang sa nahihiya na akong paulit-ulit pa siyang abalahin. Alam kong mayroon pa siyang lakad.
“Sorry na, nakapagsinungaling lang naman ako sa kany
