Tulala si Ashley na nakatingin lang sa labas ng bintana. Nakasakay siya sa airconditioned bus at pauwi na siya ng bahay. Mag-isa lang siyang nakaupo sa pandalawahang tao na upuan na nasa bandang dulo ng sinasakyan niyang bus.
Malungkot ang mukha ni Ashley. Malalim ang kanyang iniisip at isa lang naman ang dahilan nito, si Rim, ang asawa niya.
‘Totoo bang may ibang babae siya?’ Paulit-ulit na tanong ni Ashley sa utak niya. Tila walang katapusan ang tanong niyang ‘yon na hindi masasagot kung wala siyang makikita o maririnig na katotohanan.
Huminga nang malalim si Ashley. Ipinikit niya ang kanyang mga mata. Hinawakan niya ang kanyang dibdib. Dama niya ang paninikip nito.
Naalala ni Ashley ang unang beses. Labis na sakit ang naramdaman niya noon. Sino ba namang hindi masasaktan ng labis ku
