"Makikipaghiwalay ako sa'yo nang sa ganon ay wala ng hahadlang sa inyo... Sa inyong dalawa ni Marisol."
Ilang segundong nanahimik si Paris habang nakatitig sa akin. Mayamaya pa'y bigla siyang tumawa na parang isang malaking biro lamang ang aking pinagsasabi.
"Marisol? Business partner namin ang pamilya nila, Carole." Pahayag niya. Ngumisi ako at umiling, hanggang kailan niya ililihim ang lahat ng ito sa akin.
"Oo business partner, at kahit wala namang kailangan ay pupuntahan ka rito para yayain kang kumain ng tanghalian." Sabi ko sa kanya. Ang dalawa niyang kamay ay nasa magkabilang beywang, inangat niya ang kanyang ulo at mariin na pumikit.
"We are discussing about a certain project, kahit sa Cebu pa tayo!" tumaas ang kanyang boses.
Tumaas ang aking kilay at binuksan ang isang ulam u
