Nagising ako dahil sa mahihinang katok na nagmula sa aking pintuan. Dahan-dahan kong binuksan ang aking mga mata saka ko pinilit na bumangon. Ang sarap pa matulog dito sa aking kama, sobrang lambot kasi naman nito na tila ba ay ayaw ka na nitong paalisin. Gusto ko na lang manatili rito buong araw pero nangako akong magkasama kaming kakain ng hapunan mamaya. Isang marahas na hangin ang aking pinakawalan bago ko tinignan ang pintuan na kung saan patuloy pa rin ang mahinang pagkatok.
"Sandali lang,"tugon ko at bumaba na sa kama. Agad kong inabot ang pangloob na tsinelas ko at sinuot ito. Ang malamig na sahig ang una kong na pansin bago ko pa tuluyan na isuot ang aking tsinelas. Anong oras na ba at parang sandali lang naman yata ako natulog?
Inayos ko muna ang aking higaan at nag-unat, pagka
