Tumayo na kami ni Morris at sinundan ang aming kaibigan na nagtatampo. Si Forrest naman ay tumatawa lang sa aking tabi na akala mo ay wala ng bukas. Napapailing na lamang ako na sumunod sa kanila. Hindi ko talaga maintindihan ang trip ng mga ito, lagi na lang nilang inaasar si Athena. Kung sabagay ay ito naman talaga ang pikunin sa lahat. Halos hindi na lang yata ito mabiro. Patuloy lamang kami sa paglalakad hanggang sa nakarating na kami sa isang malawak na daan na may kaniya-kaniyang tinda sa paligid. Ang bawat gusali na aking nakikita ay may kaniya-kaniyang produkto na ngayon ko lang nakita.
Ang mga gusali rin dito ay sobrang ganda na aakalain mo ay araw-araw pangangalagaan. Anong klaseng lugar ito? Possible kaya na maging ganito rin ang aming kaharian sa oras na manalo kami laban sa
