“Ayan ang tinatawag na syrup at pancake. Huwag kang mag-alala, masarap iyan. Kung mahilig ka sa matatamis talagang para sa iyo ang pagkain na iyan,”sabi ni Athena sabay ngiti sa akin. Tumango lamang ako at muling tinignan ang pagkain na ito. Wala naman sigurong masama kung titikman ko ito, hindi ba?
“Sige, ito na lang sa akin,”sabi ko atsaka ibinigay na kay Morris ang parang libro na binabasa ko. Ngumiti lamang ito at ipinasa na kay Forrest. Hindi ba ito kakain? Bakit parang hindi yata ito pipili ng kaniyang kakainin? Hindi ko na lang ito pinansin at napatingin na lamang ako sa paligid.
Hindi gaanong kaingay dito sa loob, bagkos ay tama lamang ang lakas ng kanilang mga boses habang nakikipag-usap sa kanilang mga kasama. Kung nasa Kaharian pa ako ng Fiend, sigurado akong hindi ganito kapa
