More than four years later…
NAKASALAMPAK ng upo sa sahig si Allen, sa loob ng silid na mula sa araw na iyon ay magiging kuwarto na niya. Isang aparador, isang single bed at isang study table set lang ang naroon. Kalahati lang ang laki kaysa sa childhood room niya. Weird lang kasi kung kailan tumanda siya saka naman lumiit ang kuwarto niya. Pero okay lang. Kasi at least kahit mas maliit ang apartment na magiging tirahan na nila mula ngayon ay magkasama naman sila ng papa niya. Hindi katulad noong high school siya na madalas mag-isa lang siya sa bahay.
May kumatok sa nakabukas na pinto ng kuwarto. Lumingon siya. Nakita niya na nakatayo roon ang kanyang ama, may bitbit na malaking kahon. “Hindi ka pa nagaayos ng gamit mo? Pasukan na bukas. Hindi mo na maaasikaso ang mga ‘yan sa mga susu
