PARANG ayaw na muna ni Kristen pumasok sa school dahil sa nangyari, pero napilitan pa rin siyang pumasok dahil ayaw naman niyang bumagsak ang kaniyang grades lalo na’t last year na niya at malapit na rin ang graduation.
Hindi naman dumating si Cedric para sunduin siya katulad ng palagi nitong ginagawa tuwing umaga. Gayunpaman ay lubos siyang nagpapasalamat sa hindi na nito pagsundo, dahil kung maaari ay ayaw muna niya itong makita.
Ngunit pagdating niya sa school ay nakita niya pa rin si Cedric na nakaupo na sa loob ng classroom. Saglit pang nagtama ang kanilang mga mata, pero siya ang unang nag-iwas, at imbes na maupo sa tabi nito ay mas pinili niyang lumipat sa ibang upuan, malayo sa kinauupuan nito.
“Kristen, what's wrong with you and Cedric? Hindi ba’t lagi kayong magkasama? Bakit n
