Namumoblema si Isel kung anong lulutuin niya para sa lalaki na si Mr. Hired Killer pala. Hindi naman kasi siya marunong magluto.
"Naman kasi! Bakit ba kasi nakita ko ang mukha niya?" Nagulo-gulo niya ang ulo. Ngayon tuloy ay alila na siya nito. Pinapili kasi siya kung anong gusto niya, ang maging alila nito o p*p*t*yin siya nito dahil nakita niya ang mukha nito.
"Gusto ko ng adobo!" narinig niyang sigaw ng binata. "Hintayin kita sa sala. Manonood lang ako ng TV."
Napaismid siya na sumagot. "Opo, bossing."
Nagmadali na nga siyang kumalkal sa ref ng mga ingredients. Buti na lang at may karne doon ng manok. Nilabas niya iyon. Nga lang ay napatanga siya. So, ano na ang next na gagawin niya? Eh, hindi nga siya marunong magluto.
"Paano ba 'to?" Nakagat niya ang pang-ibabang labi niya. Paki
