Nang makita ni Marikit na lumabas na sa pinto ng grocery store si Conran ay minabuti niya na pahidin na ang kanyang luha. Ayaw niyang ipakita dito na umiyak siya kaya lang baka mahalata din nito iyon kasi ilang minuto na din siyang umiiyak.
Tulak-tulak din nito ang cart na naglalaman ng mga pinamili nito, may nakakarton at may nakalagay sa eco bag. Tumayo siya at pinagpag niya ang upuan ng kanyang pajama dahil kita ni iyong mga dumi pero hinintay niya itong makalapit.
"Bakit hindi ka na bumalik sa loob?! Ang dami mo namang arte, lumabas ka na pala ni wala kang pasabi sa akin. Naghanap pa ako doon sa loob yun pala nandito ka na. Akala ko tuloy nawawala ka na, alam mo naman syempre mag-aalala ako kung mawala ka dahil hindi mo naman kabisa ang lugar na 'to, tapos nandiyan ka lang pala." Ga
