✏ Mga Tula Mula Sa Pus♥

Bakit Pa? ✏ Paalam

...Bakit Pa?...

May mga bagay na kahit gusto mo ay

kailangan mong bitawan,

May mga masasayang alaala na kahit

masakit ay kailangang kalimutan,

May mga taong kahit napapasaya ka ay

kailangang iwanan,

At may mga desisyon na dapat gawin

kahit ika'y napipilitan...

Bakit pa ba kailangang humantong tayo

sa napakahirap na pagpapasya?

Bakit pa kailangang isakripisyo ang isa

para sa kapakanan ng iba?

Bakit pa kailangang iwaksi ang lahat

ng alaala?

Kung sa dakong huli ay masasaktan ka

pa?

Ang mga lugar sa puso natin ay

nakaukit,

Bakit ngayon sa gunita ay nag-iiwan ng

sakit?

Ang mga taong sa atin ay nagpasaya't

nagpasabik,

Bakit ngayo'y sa alaala na lang sila

nababanggit?

Maaaring makalimot ang ating utak,

Pero asahan mo't sa puso ay mag-

iiwan ito ng sugat,

Maaaring sabihin mong kalimutan ko

na dapat,

Pero asahan mo't ang puso ang unang

susumbat.

Bawat pitak ng alaalang nabuo sa

pahina ng kahapon,

Asahan mo't mananatili sa puso mo

hanggang ngayon,

Ngunit ang katotohanang ito'y kukupas

at lalaon,

Ang siyang susugat sa'yong pagkatao

sa lahat ng pagkakataon.

❣❣❣

...Paalam...

Tila ba panahon kaybilis ng paglipas,

Kasabay ng pag-agos ng bawat araw at oras,

May mga darating na bagong kaibigan,

Ngunit meron din na mamamaalam na ng tuluyan.

Parang kahapon lang ang bawat sandali,

Mga eksena ay napupuno ng tuwa at ngiti,

Kapiling ang isang taong tulad mo,

Nakatatak pa sa aming isipan ang bawat tagpo.

May mga problema din na pinagsaluhan,

Tulong-tulong natin itong sinolusyonan,

Sa mga pagsubok hindi tayo nagiwanan,

Subukin man ng alon ng buhay ang ating pagkakaibigan.

Ang bawat harutan, kwentuhan at kulitan,

Ang bawat ala-ala ng nakaraan,

Lahat ng ito’y hindi namin makakalimutan,

Abutin man ng magpakailanman.

Paalam na butihing kaibigan,

Siguro nga’y hanggang dito na lamang,

Mananatili sa puso at isip ng bawat isa sa amin,

Mga inukit mong ala-ala noong ikaw pa’y nasa aming piling.

❣❣❣