Sabina
DAHIL may pagkaseloso ang boyfriend ko—boyfriend ko si Atty. Hades pero hindi niya alam—suot ko pa rin ang disguise ko pagpasok sa opisina.
Napakurap-kurap ako dahil mukhang nagkakagulo sila. Pumunta ako sa IT department at binati ang naroroon. Ang iba ay ini-snob ako pero nginitian ako nina Lester at Julia. Kinumusta pa ako ni Julia kung anong nangyari sa bakasyon ko.
“Ano pa lang nangyayari? Bakit parang nagkakagulo?” tanong ko sa kanya.
“May trial si Atty. Hades mamaya, may nawawala atang file na kakailanganin niya for evidence.”
Nahanap naman ang nawawalang file at kumalma na rin naman sa opisina ilang sandali matapos ang nasaksihan kong kaguluhan.
“Julia, kapag may trial ang mga abogado, pwede kayang manuod…like tayo?”
Gusto kong makita si Hades sa korte, kung ano bang
